MikeLigalig.com

SuperBalita
Saturday, June 15, 2013


Kritikal ang kahimtang sa usa ka ginang human gitigbas sa iyahang bana nga nagselos niadtong Biyernes sa alas 3 sa kaadlawon sa ilang balay sa Barangay North Poblacion, dakbayan sa Naga.

Nakaangkon og mga samad ti­nigbasan sa nagkadaiyang parte sa lawas si Gloria (di tinuod niyang ngan), 57, minyo, hinungdan nga nalandig sa tambalanan sa Minglanila.

Gipusasan ang bana nga si Miguel (di tinuod niyang ngan), 59, way trabaho, human mi-report sa kapulisan ang kabanay ingon man anak nilang babaye.

Sa imbestigasyon nila ni SPO1 Alex Nable ug mga kauban sa Naga Police nasuta nga gitigbas sa bana ang iyang asawa tungod sa pagselos sa iyang kapikas nga gituohang dunay gikarelasyon.