Niadtong Nobiyembre sa miaging tuig, mga donasyon ug mga alahas sa Birhen sa Regla sa Lapu-Lapu City ang gipangkawat.
Pagka Mayo ning tuiga, ang kapilya ni San Pedro Calungsod sa South Road Properties ang nakawatan usab og P100,000 nga cash ug P34,000 nga bank checks.
Nasundan kini og laing insidente sa pagpangawat sa simbahan sa Redemptorist diin mga alahas usab sa imahen ni Sr. Sto. Niño ang gipangsakiyo sa mga k******n nga gibanabanang mokantidad og kapin kun kuwang P300,000.
Si Inocian nga nituyo pagbisita sa buhatan sa Sun.Star Superbalita kagahapon nanghinaut nga mabalik pa ang mga alahas bisan ang nurse’s pin lang sa iyang hinigugma.
“Amo man gud tong panata kon makapasar mi sa board exam sa nursing...Ibalik lang unta ang pin maski sa ako lang uyab kay mahal man gud to,†padayag niini.
Si Tante nanghinaut nga makonsensiya ang mga responsabli ug ibalik ang mga alahas ug mga donasyon.
“Dili lang unta ang ma butang nga anaa sud sa simbahan ang kawaton kay sagrado na sila. Mahadlok unta ta kay ang Dios naa gud diha,†suma pa niini sa buwag nga interview ning mantalaan.
Siya nibutyag usab nga tungod sa hitabo, hipuson na nila ang mga donasyon nga ibutang sa donation box matag human sa misa.
Nagplano usab sila nga mopalit og CCTV camera nga ibutang sud sa simbahan.
Matod niya nagplano si Msgr. Dosado nga i-discourage sa mga donor ang pagbutang og mga bulawan sa mga imahen aron dili makawat.
Linkback:
https://tubagbohol.mikeligalig.com/index.php?topic=73402.0
