MikeLigalig.com

Ni Guam P. Logroño
Thursday, November 3, 2011


NAPIYAPI ang ulo ug napikas ang baba sa dispatser nga giingong mibahad sa usa ka kristo sa buwangan nga di siya makaabot sa Nobiyembre 2.

Kini human siya gipusil, gidakdakag kaguran ug gidunggab pa niadtong Miyerkules sa buntag sa Barangay Lunas, lungsod sa Asturias, Sugbo.

Si Israel Gemarino, 42, ulitawo, taga Barangay Sta.Rita sa maong lungsod, namatay diha-diha tungod sa samad pinusilan sa iyang buko-buko, tiyan, dughan, tuong ilok, napisat ang ulo ug napikas ang baba.

Nadakpan sa kapulisan ang suspek nga si Renante Rebacca, 34, minyo, taga Barangay Lunas, apan ang armas nga revolver wa na makit-i sa kapulisan.

Si SPO2 Dennis Nocos, imbestigador sa Asturias Police Station, nagkanayon nga ang suspek unang nagpa-blotter niadtong Oktubre 31 human siya gihulgang patyon sa biktima.

Giakusar niini nga gibaharan siya sa biktima nga di siya makaabot sa Kalag-Kalag hinungdan nga nibalhin silag puyo sa iyang pamilya sa ilang paryente sa Brgy. sa Sta. Lucia. --Gipatik sa mantalaang SuperBalita Cebu Nobiembre 04, 2011.

Quote from: hubag bohol on November 05, 2011, 02:59:40 PM
Si Israel Gemarino, 42, ulitawo, taga Barangay Sta.Rita sa maong lungsod, namatay diha-diha tungod sa samad pinusilan sa iyang buko-buko, tiyan, dughan, tuong ilok, napisat ang ulo ug napikas ang baba.

Giseguro man jud tawon nga di mabuhi...