MikeLigalig.com

Ni Elias O. Baquero ug Sheila C. Gravinez


MGA negusyante ang kadaghanan nga nisupak ug niduso og opposition paper batok sa wage adjustment nga gisumitir sa Associated Labor Unions-Trade Union Congress of the Philippines (ALU-TUCP) ug Alliance of Progressive Labor (APL) atol sa public hearing nga gipasiugdahan sa Regional Tripartite Wages and Productivity Board (RTWPB) sa Sarrosa Hotel kagaha­pon.

Apil sa mga nisu­pak ang Cebu Chamber of Com­­merce and Industry (CCCI), Mandaue Chamber of Commerce and Indus­try (MCCI), Mactan Ex­port Processing Zone Cham­ber of Exporters and Ma­nufacturers (Mepzem), Philexport Cebu; Ho­­tels, Restaurants and Resorts Association of Cebu (HRAC) ug Siquijor Chamber of Commerce and Industry.


Ang Consumers’ Rights for Economic Welfare (Crew) Inc. niduso og suwat sa RTWPB 7 nga nipadayag og suporta sa wage adjustment.

Matod sa grupo ang mga mamumuo sa rehi­yon nagkinahanglan og P100 nga umento sa swel­do tungod sa pagsaka sa bayranan sa kuryente, tuition, ug presyo sa mga nanag-unang palaliton.

Gipatik sa mantalaang SuperBalita Cebu Oktubre 16, 2012.