Ni Sanden J. Anadia/EIM (Banat) Updated November 01, 2011 12:00 AM
CEBU, Philippines - Gipangdakop sa mga sakop sa Department of Veterinary Medicine and Fisheries (DVMF) nga gipangulohan ni Dr. Alice Utlang ang mga libod suroy nga iro nga naa sa mga sam-ang kagahapon ug sa milabay’ng adlaw.
Nagkanayon si Utlang nga ila kining gituyo aron dili mahasol ang mga tawong moduaw sa ilang mga minahal sa kinabuhi diha sa mga sam-ang.
Ang DVMF nakahipos og walo ka mga iro nga naggikan sa mga pampublikong sam-ang sa dakbayan sa Sugbo.
Matud pa ni Utlang nga atol sa ilang operasyon, nagdala sila og bakuna alang sa iro aron idapat sa mga iro nga giingong dunay tag-iya.
“Apan katong iro nga wala’y mo-claim nga tag-iya, amo gyud tung dakpon, kay kuyaw man kaayo maglaroy-laroy na sila sa sementeryo, daghan na hinuon ang mapaakan,†matud pa ni Utlang.
Sumala pa ni Utlang nga gituyo nila nga ilang operasyon himuon bisperas sa Kalag-kalag aron masigurong walay irong maghatag og peligro sa publiko diha sa sulod sa mga sam-ang. (BANATNEWS)
Linkback: https://tubagbohol.mikeligalig.com/index.php?topic=44069.0
