Ni Romeo T. Limpangog (Banat) Updated March 21, 2011 12:00 AM Comments (0)
CEBU, Philippines - Usa ka gipasanginlang mangunguot ang nadakpan sa kapolisan human ireklamo sa mga pasahero sa mga polis nga nagbantay sa kadalanan sa dalan M.C. Briones sa barangay Maguikay, dakbayan sa Mandaue alas 11 pasado ang takna kagahapon sa buntag.
Ang nadakpan mao si Roberto Jabenes, 36, taga barangay Yati sa lungsod sa Liloan kinsa gireklamo sa biktima nga si Joramil Lucero, 22, molupyo sa barangay Canduman sa maong dakbayan.
Si Renato Canja sa kapolisan sa Presinto 4 Casuntingan Police Station nga nahinabi sa Banat News miingon nga gikuot sa suspetsado ang cellphone sa biktima ug daling mikanaog.
Apan may nakabantay nga mga pasahero ug mipahibalo sa biktima nga gikuot sa mikanaog nga pasahero ang cellphone niini hinungdan nga mikanaog ang biktima ug miduol sa usa ka polis nga nagbantay sa maong dapit ug giadto ang suspek.
Ang suspek wala na kaugpo dihang gikwelyohan sa biktima ug sa mga polis samtang kini nag-atang og pasaheroan pabalik sa dakbayan sa Sugbu nga gituohang aron mamiktima na usab.
Dihang girekisa ang mga bulsa sa karsones sa maong lalaki ilang nasakmit ang cellphone sa biktima. (BANAT NEWS)
Linkback:
https://tubagbohol.mikeligalig.com/index.php?topic=39315.0
