Ni Lesley Caminade-Vestil (Banat) Updated March 21, 2011 12:00 AM
CEBU, Philippines - Mapasigarbuhon kaayo ang mga buntis nga mipabansiwag sa ilang mga lawas atol sa gipahigayong “Buntis Day†didto sa Sacred Heart Center ning dakbayan sa Sugbo sa miaging adlaw.
Ang maong programa nga gipasiugdahan sa siyam ka mga tambalanan ning dakbayan sa Sugbo mipasundayag usab sa usa ka video presentation sa mga inahang mahinangpon atol pagpanganak ilabi na human gyud matawo ang gisabak.
Sa samang higayon gawas sa inahang nahinangop, ang bata usab nga bag-ong matawo masabot ang pagpangita nila sa dinagaang nga kainit gikan sa usa ka inahan inig gawas nila gikan sa tiyan sa nanganak kanila.
Human sa maong presentasyon, gisunod usab ang Question and Answer portion diin ang mga nagsabak mipasupot sa ilang mga pangutana ngadto sa mga doctor nga nag-atiman kanila.
Ang mga doctor nga mitubag sa mga pangutana mao sila si Dr. Rebecca Gucor, Dr. Helen Albano, Dr. Antoinette Mendoza ug Dr. Amelia Abbu.
Lakip sa maong programa ang portion nga “Buntis Got Talent†diin ang siyam ka tambalanan adunay mga representante nga pulos buntis, gani kadtong mabdos nga may talento sa pagsayaw wala kapugong misalida ug mipakita gyud sa humok kaayo nilang lawas uban sa pinaigwad nga sampot nga mikiay-kiay ug miikid-ikid, samtang ang hilig sa awit, mipalanog usab sa madanihon kaayo nilang tingog ug mipasabot nga ang ilang talento ug abilidad maoy nakapadani pag-ayo sa ilang mga kapikas sa pagpabuntis kanila.
Nasayran sa Banat News nga matag Marso 10 ipahigayon gayud sa mga tambalanan ang pagpanghatag og importansya sa mga buntis ilabi na ang nasakop sa “package deal†sa mga tambalanan sa dakbayan sa Sugbo.
Mao usab kini ang adlaw nga makalingaw-lingaw ang mga mabdos ug makapangutana sa mga doctor bahin sa ilang pagsabak. (BANAT NEWS)
Linkback:
https://tubagbohol.mikeligalig.com/index.php?topic=39319.0
