Drugas, selos ang motibo sa pagpatay
Ni Dennes R. Tabar
Monday, November 7, 2011
KAPULISAN sa lungsod sa Cordova aduna nay gitumbok nga suspek sa pag-salvage sa manag-uyab sa ilang lungsod.
Ang kanhi kapuyo sa usa sa mga biktima maoy gipangita karon sa kapulisan human nila masayring si Jenelyn Premacio, 19,
taga Brgy. Catarman, may utang nga drugas sa suspek nga si Ading Ando, 40.
Sila si Premacio ug Junard Balorio, 16, taga Barangay Poblacion, sa mao nga lungsod napalgang patay niadtong Dominggo sa hapon.
Nasayran sa kapulisan nga sila si Premacio ug Ando nagpuyo ug dunay duha ka mga anak.
Apan ang duha nagkabuwag na usab samtang ang gikaipon niini karon mao ang uyoan ni Ando nga giingong drug lord.
Si Chief Insp. Noli Cernio nibutyag nga ilang gipangita si Ando apan wa na nila makit-i kagahapon sa buntag.
Nagkanayon si Cernio nga may kalabotan sa ginadiling drugas ang motibo sa krimen tungod kay giingong nikuha og
dakong kantidad sa drugas si Jenelyn apan wala ma-remit ang halin sa shabu.
“Dako kuno ni nga kantidad. Unya wala man sad mo-remit. Maorag gitambling ba,â€asoy ni Cernio.
Hayan giapil si Junard tungod kay gawas nga nagselos ang gikatahapan, giingong apil usab kini sa pagpamaligya.
Ang inahan ni Junard nanawagan og hustisya sa kamatayon sa iyang anak tungod kay siya nagtuo nga naangin lang kini kang Jenelyn.
Apan ang amahan ni Jenelyn nga si Demetrio Premacio niingon nga dili drugas maoy motibo sa krimen kon di may kalabotan kini sa selos.
Kini tungod sa grabeng gugma sa suspek ngadto sa iyang anak apan gibuwagan sulod na sa kapin sa usa ka buwan tungod kang Junard.
“In love kaayo siya sa akong anak. Pero nilayas siya kay kanang tiunan kag armas.
Unya duna siyay kuyogkuyog na nga bag-o kadtong batan-on (Junard),†matod ni Premacio.
Gipatik sa mantalaang SuperBalita Cebu Nobiembre 08, 2011.
Linkback:
https://tubagbohol.mikeligalig.com/index.php?topic=44166.0
