Monday, November 7, 2011
DERETSO sa operating room ang usa ka lalaki human nagpusil sa iyang kaugalingon mga alas 9:00 sa gabii adlawng Sabado, sa P-2, Diclum, lungsod sa Manolo Fortich Bukidnon.
Giila ang biktima nga mao si Tirso A. Coguillo, 26, ulitawo sa susamang dapit.
Gisaysay sa pag-umangkon sa biktima nga nag-inom si Coguillo uban ang usa ka pag-umangkon nga giilang si Robert.
Apan dihang nagbikil kalit nga nagsukmagay. Nagbinayloay usab sa mga dili maayong pulong.
Apan pipila ka minuto ang nilabay kalit lang nga misaka sa lawak niini ang biktima ug pagkataod-taod gikan nakasulod kini nadungog na lamang sa mga pag-umangkon ang kusog nga buto hnungdan nga dali-dali nga gisulod.
Nakita ang biktima nga giom-om niini sa baba ang pistola ug gipabuto.
Giingong giunay niini pagpusil ang iyang kaugalingon.
Kritikal ang kahimtang sa biktima nga dihang nakaabot sa Northern Mindanao Medical Center (NMMC) deretso sa operating room. (SVB) --
Gipatik sa mantalaang SuperBalita Cagayan de Oro Nobiembre 08, 2011. Linkback:
https://tubagbohol.mikeligalig.com/index.php?topic=44172.0
