MikeLigalig.com

Ni Romeo T. Limpangog, EIM (Banat) | Updated June 1, 2014 - 12:00am


CEBU, Philippines - Patay ang namasurahay nga lalaki human gipusil sa agtang  diha sa Purok Tambis, Dumpsite sa Barangay Umapad, Dakbayan sa Mandaue sa miaging Biyernes sa gabii. Ang biktima mao si Harold Benoya, 39, nagpuyo sa maong dapit samtang wala’y nakakita kun si kinsa ang iyang mamumuno.

Si SPO2 Juan Calamba sa kapolisan sa Presinto 5 sa Mandaue City Police Office (MCPO) nga nahinabi sa Banat News miingon nga ang 14-anyos nga batang lalaki nga silingan sa biktima maoy kuyog  niini nga namasura. Ang bata mibutyag sa kapolisan nga dunay usa ka wa mailhing tawo nga mibutho sa ilang gikahimutangan ug diretsong mipusil sa biktima.

Sa kahadlok sa bata, mikaratil kini og dagan pauli sa ilang panimalay ug mipahibalo ngadto sa ilang mga silingan.  (BANAT NEWS)