Ni Chester Abadilla (Banat) | Updated October 26, 2013 - 12:00am
CEBU, Philippines - Nalangkat ang dunggan sa usa ka bana human paaka sa iyang asawa didto sa barangay Pulpugan lungsod sa Consolacion sa alas 8:00 pasado sa miaging buntag.
Ang nalandig sa Vicente Sotto Memorial Medical Center (VSMMC) mao si Viviano Sarsalino, 43, minyo, ug nagpuyo sa maong lugar.
Samtang ang suspetsado mao ang iyang asawa nga si Rosalie Sarsalino, 41.
Sigun sa report nasuta nga ang biktima nakasakop sa akto sa iyang asawa nga nakigkuyog sa amigo niini nga giila nga si Melecio Tampos kinsa “sweet†ug sikit kaayo ang duha.
Tungod sa gugma, wala sukmati sa biktima ang iyang asawa.
Apan mihungaw ang iyang kasuko dihang naabtan niya sa ilang balay ang anak nila nga gibiyaan lang sa inahan ug wala maatiman.
Nagkalalis ang magtiayon nga miresulta sa panagbugno sa duha.
Ang asawa nga suspetsado nakahigayon sa pagpaak sa dunggan sa biktima ug wala kini buhii hangtud nga nalangkat gyud.
Ang mga paryente sa bana mao na ang midala niini ngadto sa hospital samtang ang asawa daling nagpalayo sa lugar.
Wala pa hinuon makadisisyon ang bana kun mopasaka ba kini og kaso batok sa iyang asawa. (/WC) (BANAT NEWS)
Linkback:
https://tubagbohol.mikeligalig.com/index.php?topic=76429.0