Ni FLOR V. QUERUBIN
NAGDUWA-DUWA og Temple Run sa tablet si Leanna Nicole, 5, ingon sa wa siya makasaksi sa pagpatay sa iyang duha ka mga silingan sa iyang mga ginikanan niadtong Dominggo sa mga alas 10 pasado sa gabii.
Naa pay lama sa iyang senina sa dugo sa iyang inahan nga nigakos kaniya aron di siya apilon sa pagpatay.
Ang magtiayong Ranilo, 33, ug Elisa Tampus, 38, nag-abang og balay sa Buagsong, Cordova, giatangan sa magsuong naila lang sa ngan nga Joseph ug Jake, lima ka buwan nga nag-abang sa gipuy-an sa magtiayon.
Ang niila kanila mao usab si Leanna, kinsa nagtuong naa ra sa ospital ang iyang mga ginikanan.
Kuwarta nga gibana-bana nga moabot sa P200,000 ngadto sa P300,000 nga gisulod sa backpack ug ang itom nga Yamaha Vega motorcycle ang nadala sa duha ka mga suspek.
Linkback:
https://tubagbohol.mikeligalig.com/index.php?topic=81525.0