SuperBalita Cebu
Ni Dennes R. Tabar
Thursday, December 5, 2013
DUHA ka mga magsuong lalaki nga mga tinun-an sa Simeon Ayuda Elementary School sa Brgy. Vicente, Liloan, Sugbo giingong gipangsagpa sa duha ka mga magtutudlo sa managlahing mga higayon.
Inahan sa mga bata wa makahibawo niini hangtod nga ang mga classmate nanulti sa gidangatan sa iyang duha ka mga anak.
Ang inahan, kinsang ngan gipugngan ning mantalaan sumala sa gimbut-an sa balaud, nidangop sa sibyaanang dyHP aron isumbong ang nahiaguman sa mga bata ug mangayog tabang.
Matod sa inahan nga unang gisagpa sa usa ka maestra ang 10-anyos nga maguwang niadtong miaging Huwebes.
Ang maestra giingong wa makauyon sa pagtubagtubag sa iyang anak kaniya.
Gibutyag sa inahan nga wa nisulti kaniya ang iyang anak nga dugay na kining gidumtan sa maestra.
Iya kining nahibaw-an dihang ningsumbong ang mga classmate sa iyang anak kaniya.
Siya nihulagway nga namuwa og maayo ang nawong sa iyang anak tungod sa gibuhat sa maestra.
Tungod niini, iyang gikomprontase ang maestra, kinsa puwerteng pangulipas nga iyang gisagpa ang bata.
Linkback:
https://tubagbohol.mikeligalig.com/index.php?topic=77018.0
