Ni Bryner Diaz/EIM (Banat) | Updated November 27, 2013 - 12:00am
CEBU, Philippines - Patay ang usa ka lalaki human mapantok ang iyang ulo samtang nadakin-as kini nga naglukdo og usa ka sako nga abuno sa sitio Kabalawan sa barangay Tabayag sa Lungsod sa Argao sa miaging hapon. Ang namatay naila nga si Apolinario Llena, 28, molupyo sa sitio Kabalawan sa barangay Tabayag sa Lungsod sa Argao.Si PO3 Bernie Lao, desk officer on duty nga nahinabi sa Banat news miingon nga mitaho sa ilang buhatan ang amahan sa biktima nga si Avelino Llena nga namatay ang iyang anak.
Matud pa ni Lao nga alas 4:00 na sa hapon mipahibawo si Avelino ug posible nga sa sayong kahaponon pa nahitabo ang maong aksidente. Sumala pa ni Lao nga bukirong bahin sa lungsod sa Argao ang barangay Tabayag. Wala hinuon masayod ang kapolisan kun nagtungas ba kini sa bukid o naglugsong dihang nadakin-as. (BANAT NEWS)
Linkback:
https://tubagbohol.mikeligalig.com/index.php?topic=76865.0
