MikeLigalig.com

Ni STEPHANIE V. BERGANIO


DUNGAN og kamatay ang duha ka magsuon dihang nagpinatyanay niaging adlaw didto sa Barangay Eureka, dakbayan sa Gingoog, Misamis Oriental.

Giila ang magsuon nga sila si Mansueto ug Rey Pabular, pulos hingkod ang edad ug mga residente sa maong dapit.

Sa imbestigasyon sa Gingoog City Police Station sa pagpangulo ni Police Chief Inspector Esperidion Biado II, nasuta nga daan na nagbikil ang magsuon gumikan kay gikaulit ni Rey ang giingong pagsuway og luba ni Mansueto sa ilang amahan kaniadto.

Giingong taod-taod na kining gidumtan sa igsuon hinungdan dihang lango sila sa ilimnong makahubog niadtong tungora mikuha og improvised shotgun si Rey ug gipusil si Mansueto apan wala kini deretso mapuruhi ug nakakuha pa kini og kutsilyo ug giluba si Rey makapila ka higayon hinungdan sab sa kamatayon niini.

Ang patay’ng lawas sa magsuon gihaya sa puloy-anan sa mga biktima diin ang mga kabanay niini wala na mihatag og reaksyon.


Gipatik sa mantalaang Superbalita Cagayan de Oro Oktubre 21, 2016.