Ni Joseph Elvir C. Tubilan
Monday, September 24, 2012
GIKOMBIKTO sa korte ang maestro sa high school nunot sa iyang pagpasakit sa bungol niyang tinun-an sa Barangay Basak, dakbayan sa Sugbo duha ka tuig ang nakalabay.
Si Municipal Trial Court in CiÂties (MTCC) Judge Oscar Andrino nakakitag igong basehanan nga hukmang sad-an si Mario Nardo sa kasong slight physical injuries batok kang Romulo Porral III.
Nimando si Andrino kang Nardo sa mobayad og multa sa kantidad nga P100.00 lang, human niangkon sa akusasyon batok kaniya.
Dihang si Nardo nisugot sa plea bargaining agreement uban kang Porral, ang magtutudlo nipaubos sa laing arraignment ug niangkon siyang sad-an sa gihimo batok sa tinun-an.
Ang plea bargain usa ka kasabutan kasong kriminal tali sa prosekusyon ug akusado diin ang gireklamo mosugot moangkong sad-an sa kaso nga gipasaka kaniya.
Nagpasabot kini nga ang akusado moangkong sad-an aron mominos ang silot nga iyang maangkon kon aduna nay desisyon ang korte sa kaso.
Niadtong Hulyo 30, 2010, nisaysay si Porral, nga siya ug iyang mga classmate nanguhag kahoy nga ilang gamiton sa ilang Nutrion Month cooking contest.
Niabot si Nardo ug nangutana kon kinsay nanguhag kahoy sa dormitory nga wa mananghid kaniya.
Usa ka magtutudlo sa kindergarten ang nipahibawo kang Porral nga si Nardo nangita kaniya.
Ningadto si Porral sa stage diin si Nardo naghuwat kaniya.
“Nardo then asked me why I took the wood without his permission. I apologized to him, but without any provocation, he suddenly struck my right leg twice with a bolo covered in newspaper, inflicting physical injuries upon me,†nagkanayon ang biktima.
Gipatik sa mantalaang SuperBalita Cebu Septembre 25, 2012.
Linkback:
https://tubagbohol.mikeligalig.com/index.php?topic=55112.0
