Ni Dennes R. Tabar
USA ka pamilya ang nangahilo tungod sa pagkaon sa ilang gituhoang uhong apan, buwak diay nga niturok ikan sa ihi sa iro o mga hayop nga niturok daplin sa sapa.
Ang insedente nahitabo sa Sitio Toril, Barangay Tingub, dakbayan sa Mandaue. Lakip sa nahilo ang dos anyos.
Si Margie Basalo, 23, kinsa maoy niluto sa maong tanom, nitug-an nga ang ilang silingang si Benjie Monte maoy nanguha sa gituohang uhong sa kilid sa sapa duol sa labayanan sa mga basura ug nihatag niini sa iyang live-in partner nga si Leonides Durano.
Human naluto sa alas 6:00 sa gabii niadtong Dominggo, gisaw-an kini nila sa pagkaon, lakip na gipakaon ang 2 anyos nga anak nila nga si Leojie Durano, ug igsuon ni Margie nga si Josejun.
Apan human sa pipila ka minuto kalit lang nagsuka ang 2 anyos nga bata, ug nisunod sa pagsuka ang inahan, amahane ug ang uyoan sa bata.
Gitabang sila sa ilang silingan og gidala sa Cortes General Hospital. Sa ospital, nakompirmar nga nahilo sila sa ilang giakaon nga sud-an.
Hinuon, ang tibuok pamilya luwas na ang kahimtang ug nakagawas na sa ospital.
Gipatik sa mantalaang SuperBalita Cebu Septembre 25, 2012.
Linkback:
https://tubagbohol.mikeligalig.com/index.php?topic=55113.0
