Brigada News - GISIKOP sa mga otoridad ang usa ka lalaki nga nangawat og panty sa iyang magtutudlo didto sa Negros Occidental.
Ang usa ka 24-anyos nga si Ronald Nuñez, nagtingkagol na sa prisohan human gikasohan sa magtutudlo sa Vergara Elementary School.
Matod pa ni Chief Inspector Romeo Maguate, hepe sa kapolisan sa lungsod sa Toboso giangkon ni Nuñez ang maong salaod.
Sa imbestigasyon sa mga otoridad gisaysay ni Nuñez nga iya matod pang gikawat ang panty sa usa ka magtutudlo nga nag-abang og usa ka balay nga ila ra usab silingan sa susamang dapit.
Sa pakighinabi sa dzXL, lokal nga sibyahanan sa radyo sa maong dapit ngadto sa suspek nagkanayon nga desidido gayod ang maestra nga mokiha sa suspek.
Butyag pa sa magtutudlo nga giguba sa suspek ang bintana sa iyang boarding house aron lamang makasulod kini ug makuha ang iyang panty.
Nasayran usa ka dalaga ang nasampit nga magtutudlo kinsa nakugang dihang iyang nakit-an ang uban niyang panty nga nagkatag sa dalan.
Gibutyag sa pipila ka mga silingan sa maestra nga dugay na kuno kining gipanid-an sa maong lalaki hangtod nagmalamposon gayod ang maong lalaki sa iyang plano.
Wala usab gikompirmar kong naibog ang maong lalaki ngadto sa maestra, diin ang panty maoy iyang gamiton aron mapaduol ngadto niya ang babaye.
Linkback:
https://tubagbohol.mikeligalig.com/index.php?topic=50594.0
