MikeLigalig.com

source: Banat News

Nasikop kagahapon sa kapolisan ang usa ka 65- anyos nga lolo sulod sa merkado publiko sa dakbayan sa Lapulapu gumikan sa pasangil nga gilugos niini ang 13-anyos nga dalagita niyang apo.

Ang gisikop mao si Remie Cabantan, 65, minyo, nga taga Brgy. Pusok dakbayan sa Lapulapu, og usa ka manindahay ug utanon sulod sa merkado.

Base sa imbestigasyon ni PO3 Napoleon Monterosa, nasayran nga niadtong Hunyo, 2010, ang apo niining 13-anyos mipasaka kaniya og kasong pagpanglugos sa sala ni RTC Judge Victor Teves sa branch 54.

Gumikan sa maong kaso nagtago-tago si Cabantan sulod sa pipila ka bulan, apan kagahapon sa mga alas 2:30 sa kadlawon nasigpatan kini ni PO3 Monterosa sulod sa merkado publiko sa Lapulapu nga namaligya og utanon hinungdan nga iya kining gisikop pinaagi sa maong warrant of arrest nga daan nang giluwatan ni Judge Teves.

Sus! Mao pay pagpamiyuos, gikutlo dayon. Way puangod, apohan pa ra ba... 

Didto na ni siya madugta sa prisohan. Walay pulos ning kalibotan ning klaseha sa mga tawo.

Hinuon, sa iyang edad, hapit na man pud siya madugta...