Nila ni Brenda Batuto ug Ria Mae Y. Booc (Banat) Updated July 18, 2011 12:00 AM
CEBU, Philippines - Usa ka 65-anyos nga negosyante nakabsan sa kinabuhi human gulgola ang liog niini sa gituohang mga tulisan sulod sa iyang balay didto sa sitio Tamban, barangay Tagba-o, lungsod sa Tabogon sa miaging Sabado sa hapon.
Ang biktima nga si Teresita Comedo, 65, minyo, ug nagpadagan og videokehan naabtan sa iyang anak nga wala nay kinabuhi kansang liog nagtungay-tungay na ug may laing samad dinunggaban sa tuong bahin sa iyang lawas ug nabulit sa bun-og ang dagway niini. Naligo sa iyang kaugalingong dugo nga nagbuy-od duol sa pultahan sa iyang balay nga nahimutang sa kilid ra usab sa iyang tindahan nga may videokehan.
Si Sr. Insp. Alexander Ancao, hepe sa Tabogon Police Station nagkanayon nga posibleng gikulata una ang biktima dayon gidunggab ug gigulgol ang liog aron dili makasinggit og panabang.
Matud pa ni Mancao nga posibleng nagdumili kini sa paghatag og kuwarta ngadto sa mga tulisan hinungdan nga gumikan sa kasuko, gipatay kini.
Gani maoy pagduda ni Ancao nga mga “bageto†o bag-o pang nagsugod sa pagpanulis ang mipatay sa biktima.
Kay gumikan sa kahadlok niini nga namatay ang biktima, wala na makuha ang kuwarta nga diha sa bulsa sa biktima nga may mga sensiyo nga pulos tag-P5 nga gituohang gikan sa iyang videokehan.
Nakalimtan usab pagdala sa kriminal ang kutsilyo nga gigamit sa pagpatay sa biktima ug nahibilin kini didto sa sawog sa balay sa namatay.
Gituohan sa kapolisan nga gipanid-an na sa mga tulisan sa milabay’ng mga semana ang videoke house ug tindahan sa biktima.
Base sa nahipos nga report sa mga polis nga usa sa mga tulisan misunod kang Comedo paingon ngadto sa iyang balay samtang ang tulo nagpabilin sa gawas nga nagsilbing look-out.
Didto sa sulod gituohan nga misuway og sukol ang biktima apan gilupig kini sa kusog sa tulisan hinungdan nga wala na kini makatingog human kulataha, dayon giluba ug gigulgol ang liog.
Gibutyag usab ni Ancao nga upat ka tawo ang ilang giimbistigar apan wala niya konpirmaha kun kini mao bay mipatay sa biktima. – WC (BANAT NEWS)
Linkback:
https://tubagbohol.mikeligalig.com/index.php?topic=42313.0
Topic: Lola gikulata, giluba ug gigulgol ang liog (Read 616 times)