MikeLigalig.com

7 months old nga bata nahikit-an nga patay ngan  naglulutaw-lutaw ha Breakwater han Brgy. 11 ha Llorente, Eastern Samar.

Sumala, han residente nga hi Ma. Cristina Escoto, nag lalakat hiya mga alas diyes han adlawoy, tipauli ha ira balay tikang ha RHU han pakaobserbar niya hin nalutaw nga ha iya syahan nga pag kita in ayam nga nalumos, ngan ha iya pag tutuki hin maiha dida niya nasabtan an patay nga bata nakulob nga igin aanod kaupod in mga basura.

Sumala man liwat han Brgy. Captain, Hon. Ricky Asadon, kaupod an ira mga Brgy. Officials nga una nag responde, nakitaan nira an bata nga na-aplod an ulo, namumuk-ol na an dugo ngan duguon pa an pusod.

Igin pabendisyonan naman ha simbahan ngan igin lubong yana nga udto an bata.

Sige pa an imbestigasyon ha pag hingyap nga mahibaruan an iba pa nga detalye hine nga insidente.

* * *
Affordable Wordpress website host at www.greengeeks.com