Author Topic: Liog sa 2 anyos giabis sa lola nga hayan nalisoan kay may laing kaipon ang bana (Read 760 times)

hubag bohol · « **on:** August 28, 2015, 09:10:14 AM »

Ni GUAM P. LOGROÃ‘O

BATANG babaye namatay human laslasa ang iyang liog sa iyang lola nga gituohang nalisoan sa pangisip sulod sa ilang balay kagahapon sa alas 4:30 sa kaadlawon sa likod sa Gawad Kalinga Village, Barangay Tubod, dakbayan sa Toledo.

Si Jemigan Basalo, 2, gideklarar nga dead-on-arrival (DOA) sa mga doktor sa Toledo District Hospital tungod sa dakong samad nilaslasan sa liog.

Ang suspek nga giilang si Melianida Pelarca, 50, taga Ormoc City, apuhan sa bata, gidakop sa mga kabanay ug barangay tanod ug gi-turnover sa kapulisan sa Toledo.

Si PO3 Carlos Baluado, desk officer sa Toledo Police Station, nagkanayon nga ang nakadiskubre sa krimen mao si Corazon Macapaz, 73, inahan ni Melianida.

Si Corazon na-shock sa pagkakita niya sa bata nga nagkadugo nga wa na magginhawa samtang ang iyang anak nagsige og yawyaw.

Tungod sa iyang kahadlok, siya nisinggit nga naÂngayog panabang sa iyang mga kabanay ug silingan.

Dali nilang gidala ang bata sa tambalanan apan gideklarar sa mga doctor nga DOA.

Ang suspek gidakop sa mga kabanay ug Barangay tanod dayon gi-turnover sa kapulisan nga ubos na karon sa pag-abag sa mga sakop sa Department of Social Welfare and Development (DSWD).

Si SPO2 Benedicto Bobilles, imbestigador sa Toledo Police Station nga nahinabi sa Sun.Star Superbalita, nagkanayon nga ang biktima niadtong lang Hulyo niabot sa Toledo City kay gidala sa suspek gikan sa Ormoc City.

Apan nabantayan ni Corazon ug mga kabanay nga nalisoan sa pangisip si Melianida kay kanunay na lang magyawyaw ug mahadlok.

Linkback: https://tubagbohol.mikeligalig.com/index.php?topic=80833.0

hubag bohol · « **Reply #1 on:** August 28, 2015, 09:10:51 AM »

Ang suspek gikatahong nibutyag nga didto pa lang sa Ormoc, ingon man sa pagsakay nila sa barko paingon sa Sugbo dunay tawo o dautang espirito nga nagsigeg sunod kanila kay patyon siya.

Si Bobilles nibutyag nga ang suspek gikatahong naguol og maayo human nahibaw-an niini nga ang iyang bana dunay laing babaye nga gikatipon.

Si Melianida gikatahong dunay depression nga nisangko sa pagkaliso sa pangisip, apan nilarga dinhi sa Sugbo dala ang iyang apo.

Ang mga ginikanan sa bata toa sa dakbayan sa Ormoc nanginabuhi.

Niadtong Agusto 21, ning buwana ang suspek gikatahong nisuway sa pagpakamatay pinaagi sa pagÂlaslas sa iyang walang pulso ingon man pag-inom og pesticide.

Sa kabalaka, si Corazon nidala sa suspek sa Vicente Sotto Memorial Medical Center (VSMMC) aron matambalan.

Nakagawas sila sa VSMMC niadtong Miyerkules sa hapon.

Wa sila magdahom nga mahimo niini ang pagpatay sa bata kay nagtuo silang maayo na ang gihamÂbing sakit.

Si Bobilles nipadayag nga si Corazon nibutyag nga kagahapon sa kaadlawon, nakamata siya sa grabing paghilak sa bata samtang silang tulo nangatulog.

Siya nibangon aron pagkuha sa lampara kay pahilumon ang bata.

Sa iyang pag-iwag, nakita niya ang suspek nga nagkugos sa iyang apo.

Linkback: https://tubagbohol.mikeligalig.com/index.php?topic=80833.0

hubag bohol · « **Reply #2 on:** August 28, 2015, 09:11:11 AM »

Nibalik na lang siya sa pagkatulog kay lapoy ang iyang lawas gumikan sa ilang biyahe gikan sa dakbayan sa Sugbo.

Wa siya maghuna-hunag dautan kay nagtuo siyang gipahilom sa suspek ang apo kay nihilom man usab dihang nibangon siya.

Apan sa pagmata niya pagka alas 4:30 sa kaadlawon, nakugang siya sa nakita nga samad sa liog sa bata nga naglunang sa dugo.
Si Bobilles nagtuo nga kadtong kusog nga hilak sa bata mao na ang paglaslas sa suspek sa liog sa bata.

Di pa igo, hayan gituok ang bata aron mahilom base sa paglagom sab sa liog.

â€œAmong gipangutana ngano man intawong imong gigulgol ang bata, magsige naman lang sa pagyawyaw nga magkita daw sila sa heaven,â€ sumala pa ni Bobilles.

Gipasabot niya nga bisan paman sa gihambin sa suspek, ila gihapong ipasaka ang tukmang kaso batok kaniya inabagan sa DSWD.

Gipatik sa mantalaang SuperBalita Cebu Agosto 28, 2015.

Linkback: https://tubagbohol.mikeligalig.com/index.php?topic=80833.0

hubag bohol · « **Reply #3 on:** August 28, 2015, 09:14:40 AM »

2-anyos gigulgol sa lola
Ni Raymond D. Abarcas/EIM (Banat) | Updated August 28, 2015 - 12:00am

CEBU, Philippines - Patay ang usa ka sa 2-anyos nga batang babaye human gigulgol ang liog niini sa iyang 50- anyos nga lola diha sa Brgy. Tubod sa dakbayan sa Toledo alas-4:30 kagahapon sa sayong buntag.

Giila ang biktima nga si Jemigan Basalo, 2, samtang ang apohan niini nga gidala na sa Psychiatric Ward sa Vicente Sotto Memorial Medical Center giila nga si Melianida Macapaz Pelarca kinsa gituohang adunay deperensiya sa pangisip.

Base sa imbestigasyon ni Senior Police Officer 2 Benedicto Bobiles, imbestigador sa Toledo City Police Station, napalgan na lang ang bata nga wala na maglihok ug dunay dakong laslas sa liog.

Gidala kini sa Toledo City Hospital apan patay na ang maong bata bisan giunsa pagtabang ni Dr. Clyde Vincent Bequilla tungod sa kalawom sa samad diha sa ubol-ubol niini.

Dihang nangabot ang kaparyentihan, ilang naabtan ang apohan nga nagkupot og mahait nga hinagiban ug misuway kini pagdunggab sa iyang tiyan pagkakita kanila apan ilang napugngan.

Dihang nahinabi ang maong lola nagkanayon kini nga adunay gustong mokuha sa iyang apo aron dad-on sila sa Ormoc, apan taud-taod miingon na usab kining adunay gustong mopatay kanila.

Tungod kay di niya gustong mawala kaniya ang apo iyang gigulgol ang liog sa bata ug maghikog usab kini.

Ang suspek gidala usab sa tambalanan niadtong Agosto 21 human naglaslas kini sa iyang pulso ug buot untang moambak sa Toledo City Port Terminal, apan Agosto 26 nakagawas kini sa tambalanan. (BANAT NEWS)

Linkback: https://tubagbohol.mikeligalig.com/index.php?topic=80833.0

MikeLigalig.com

Author Topic: Liog sa 2 anyos giabis sa lola nga hayan nalisoan kay may laing kaipon ang bana (Read 760 times)

hubag bohol

Liog sa 2 anyos giabis sa lola nga hayan nalisoan kay may laing kaipon ang bana

hubag bohol

Re: Liog sa 2 anyos giabis sa lola nga hayan nalisoan kay may laing kaipon ang bana

hubag bohol

Re: Liog sa 2 anyos giabis sa lola nga hayan nalisoan kay may laing kaipon ang bana

hubag bohol

Re: Liog sa 2 anyos giabis sa lola nga hayan nalisoan kay may laing kaipon ang bana