Ni KRIS C. SIALANA
NALUPARAN sa manok nga adunay tari ang biktima samtang nagtan-aw sa sabong atol sa kapistahan niadtong Miyerkules sa hapon sa Agasa, Medina, Misamis Oriental.
Patay si Sonny Namuag, 25, minyo ug lumolupyo sa Poblacion, Medina sa susamang probinsiya.
Subay sa report gikan sa Northern Mindanao Medical Center (NMMC), diin daling gidala ang biktima, giasoy sa kaipon niini nga si Mary Magsayo nga namista kini sila sa maong dapit.
Giingong mitan-aw ang biktima sa kalingawan ilabi na ang sabong ug anaa lamang kini sa kilid sa maong sabongan nga abli lang ug walay koral.
Gidugang pa nga kalit nga milupad ang maong manok ug nakatugpa sa iyang paa dala labok, hinungdan sa naangkon niini nga dako ug lalom nga samad diin maoy hinungdan sa hinanali niini nga kamatayon.
Nadala pa kini sa NMMC apan niadtong Huwebes sa gabii nakabsan na kini sa hinulamang kinabuhi.
Sa pagkakaron, ang maong patay nga lawas ang giatiman na sa mga nahabiling pamilya niini.
Gipatik sa mantalaang SuperBalita Cagayan de Oro Oktubre 10, 2015.
Linkback:
https://tubagbohol.mikeligalig.com/index.php?topic=81142.0