IGO na lamang sa pagpatambal ang biktima human kini gitabangan og layog tulo ka mga gituohang boang sa dalan Corrales, dakbayan sa Cagayan de Oro.
Nilanding sa Northern Mindanao Medical Center (NMMC) ning dakbayan si Nelson Claros, 49, minyo, taga Damilag, Manolo Fortich Bukidnon.
Subay sa impormasiyon gikan sa NMMC, gibutyag sa usa ka Charmaine kinsa maoy nagdala sa biktima nga kalit lamang kining gitabangan sa mga boang samtang anaa sa dapit.
Wala na makalikay ang biktima gumikan kay tulo man ka mga wala sa insaktong panghunahuna ang mibuhat sa ingon.
Nakaangkon ang biktima og samad sa ulo ug agtang gumikan sa paghapak niini sa tulo ginamit ang bato.
Sa pagsulat niini nga balita ang biktima an gang pabilin pa nga nagpaalim sa mga naangkong samad sulod sa NMMC. (KCS)
Gipatik sa mantalaang Superbalita Cagayan de Oro Disyembre 15, 2015.
Linkback:
https://tubagbohol.mikeligalig.com/index.php?topic=81578.0