MikeLigalig.com

SuperBalita Cagayan de Oro
Saturday, August 17, 2013


DILI tiaw ang naangkon nga samad sa liog sa usa ka lalaki human gitigbas sa wala mailang suspetsado niadtong Huwebes mga alas 5:00 sa hapon sa lungsod sa Jasaan, Misamis Oriental.

Giila ang biktima nga mao si Jerson Emmanuel, 32, residente sa susamang dapit.

Sa inisyal nga report sa Northern Mindanao Medical Center (NMMC) sa siyudad sa Cagayan de Oro, nasuta nga gikan ang biktima nga nangahoy sa bukid nga bahin sa maong dapit dihang sa pag-uli niini, kalit lang kining gitagbo sa wala mailang suspetsado nga sa iyang pagtuo walay bitbit nga sundang.

Dihang anaa na kini sa iyang tungod, kalit lang kining gikawtan sa sundang, hinungdan sa pagkaigo sa liog niini ug pagkasamad.

Nakadagan deretso ang biktima apan gisuwayan pa ug gukod sa suspek.

Dihang misyagit kini ug tabang taliwala sa nagkadugo ang liog, kalit lang kining mitipas ug dalan apan wala na magukod sa mga residente sa dapit.

Ang biktima kritikal ang kahimtang nga gidala sa NMMC ug padayon nga giobserbahan sa mga doctor.

Giingon nga adunay deperensya sa utok ang suspek ug daw lumad nga taga lungsod sa Balingasag, Misamis Oriental. (SVB)

Quote from: hubag bohol on August 17, 2013, 04:48:38 PM
Giingon nga adunay deperensya sa utok ang suspek

Agoi, maglikay na lang jud kutob sa mahimo...

Quote from: hubag bohol on August 17, 2013, 04:48:05 PM
Sa inisyal nga report sa Northern Mindanao Medical Center (NMMC) sa siyudad sa Cagayan de Oro, nasuta nga gikan ang biktima nga nangahoy sa bukid nga bahin sa maong dapit dihang sa pag-uli niini, kalit lang kining gitagbo sa wala mailang suspetsado nga sa iyang pagtuo walay bitbit nga sundang.

Oi, gikan man kaha diay siyang nangahoy, wa diay siya magdalag sundang?