Ni Bryner Diaz/EIM (Banat) | Updated October 12, 2013 - 12:00am
CEBU, Philippines - Usa ka lalaki ang naangol human gidunggab og gunting sa igsoon sa gikapuyo niini human sa ilang sinumbagay diha sa barangay Patupat sa lungsod sa Barili pasado alas 9:00 sa miaging gabii.
Ang biktima naila nga si Rafael Pagar, 37 anyos, residente sa barangay Patupat sa lungsod sa Barili, samtang natanggong karon sa karsel ang suspetsado naila nga si Paolo Lijano Tabanao, 40. Base sa report gikan sa Cebu Provincial Police Office nga hubog ang biktima ug ang suspetsado tungod kay nagsaulog sila sa adlaw nga natawhan sa anak sa biktima.
Ang biktima naglagot sa iyang gikapuyo nga si Panie Tabanao tungod sa pagpukaw kaniya nga miresulta sa ilang panaglalis maong misaka ang suspek ug miresulta sa sinumbagay sa duha, apan nakapunit og gunting ang suspek ug gidunggab ang biktima.
Ang biktima gidala sa Barili District Hospital samtang mitahan ang suspek ug gitunol ang gunting nga gigamit sa krimen. (BANATNEWS)
Linkback:
https://tubagbohol.mikeligalig.com/index.php?topic=76200.0
Topic: Lalaki gi-gunting sa iyang bayaw (Read 546 times)