Gitabangag patay
Saturday, September 4, 2010
Ni Jonathan F. Tumulak
SAKOP sa Alpha Kappa Rho (Akrho) gitabangan og dunggab patay sa uyoan ug pag-umangkon nga mga sakop sa Tau Gamma Phi pasado alas 11 sa milabay nga gabii sa Sityo Panagdait, Barangay Kasambagan, dakbayan sa Sugbo.
Ang biktimang gidala sa tambalanan apan gideklarar sa mga doctor nga dead-on-arrival giilang mao si Vincent Canabi, 24,nagpuyo sa maong dapit,helper welder.
Ang mga suspek giilang mao sila si “Joy-Joy†ug iyang uyo-an nga si Leo Lucero, gituohang mga sakop sa karibal nga fraternity.
Sa pasiuna nga imbestigasyon nga gihimo nila ni PO3 Geofrey Gutual ug mga kauban sa Homicide Section nagbutyag nga naglakaw si Cypriano Cuhanap sa dihang nakita niya ang mga suspek nga nagtinabangay sa pagkulata sa biktima.Nakita pa sa saksi si Leo nga nibunot og kutsilyo ug gidunggab makadaghan si Canabi.
Apan nakabantay si Leo kang Cunahap nga nakasaksi sa ilang gibuhat, iya kining giatubang.
Gibadlong hinuon siya ni “Joy-Joy,†kinsa niingon nga “ayaw Tiyo, wa na siyay labot.â€
Nanibat ang mga suspek samtang ang biktima nga daghan og mga samad dinunggaban nalup-og.
Ang mga silingan daling ningtawag sa mga sakop sa Emergency Rescue Unit Foundation (ERUF). Ang biktima gidala sa Cebu City Medical Center (CCMC), apan pag-abot gideklarar nga dead on arrival.
Gipatik sa mantalaang Sun.Star Superbalita Cebu sa Septiyembre 5, 2010.Linkback:
https://tubagbohol.mikeligalig.com/index.php?topic=31753.0
