Ni Lesley Caminade-Vestil/ EIM (Banat) Updated December 05, 2011 12:00 AM
CEBU, Philippines - Kamatayon hinuon ang gidangatan sa usa ka Koreano nga buot untang maka-relax pinaagi sa pagpamasahe dihang tunga-tunga sa sesyon nakuyapan kini pasado alas-9 sa miaging gabii sulod sa usa ka hotel sa Salinas Drive barangay Lahug ning dakbayan sa Sugbu.
Ang biktima nailhan nga si Hyoyoung Chung, 53, kasamtangan kini nga nagpuyo sa maong lugar.
Sa pakighinabi sa Banat News ni PO3 Geoffrey Gutual, Cebu City Police Office (CPPO), Homicide Section misaysay kini nga usa ka Lea Rose Mangubat usa ka masahista sa Three Shades Spa, ang mitawag sa Emergency Rescue Unit Foundation (ERUF) aron matabang ang biktima.
Tuod man, gidali usab pagdala ang biktima sa Perpetual Soccour Hospital apan gideklarar kini nga dead on arrival.
Matud pa ni Gutual nga ang Korean national mitawag ni Mangubat aron magpamasahe, apan dihang gisugdan na og masahe ang langyaw kalit kining nakuyapan hinungdan nga daling nanawag og tabang si Mangubat.
Sa pakisusi usab sa kapolisan sa crime scene, wala silay nakitang timailhang may foul sa kamatayon niini. Apan susihon pa kung ang pagmasahe ba kaniya maoy nakaingon sa kamatayon niini.
Hinuon gikatakdang ipa-awtopsiya ang patay’ng lawas niini aron pagtino sa tinuoray nga hinungdan sa kamatayon niini. - BANAT NEWS
Linkback:
https://tubagbohol.mikeligalig.com/index.php?topic=44574.0