Human sa pagkamatay niini dali siyang nisibat palayo sa maong lugar dala ang bag nga dunay mga sinina ingon man ang sundang nga giputos niyag panapton gilakip sa pagsulod sa bag sundang nga nagkadugo.
Matud niya nga wala siya magmahay sa iyang pagpataya sa iyang kapuyo sanglit kanunay na kining manapat kaniya sukad sa ilang pagtipon.
Nunut niini ilang pasakaag kasong murder karong Lunes bisan paman kun nahibaw-an nila nga tukartukar ang sakit niining pagkabuang sanglit ang suspek niangkon mismo sa krimen nga walay duhaduha.
Si Bacayo niingon nga walay nakabtig kumusyon nga mga silingan ni-anang ni-aging gabi, gani ang patay’ng lawas niini mga 5 metros ang gilay-on sa iyang payag nga nagbuy-od dihang nakit-an sa silingang nagsag-ob sa tubig.
Gihulagway niini nga hinay na gyud ug gamyon ang tiguwang hinungdan nga dihang gi-atake siya sa kapuyong boang wala na makapanalipod sa iyang kaugalingon.
Ang mga anak niini mibadlong unta sa ilang amahan nga dili na makigtipo ug lain labaw na sa suspek sanglit nagtuo silang dunay kapasidad sa pagpatay basi sa ilang nahiaw-an kay may deperensiya sa pangisip.
“Posibling nagkaaway ang duha nihangyo siguro ang tiguwang sa suspek kay gikan gud sila sa inom unya wala mosugot nadapatan†dugang ni Bacayo.
Nahibaw-an sa kapulisan nga tulo palang sila ka bulan nga nagkatipon human mabiyudo ang biktima sanglit ang suspek naglibudsuroy sa lungsud gani lago kining manamit.
Sa pagkasikop niini nga nagdala sa shoulder bag nga didto ang sundang nga nakadugo, daw wala lay nahitabo nga naglakaw paingon mosibat nagbitbit pa kinig kamote paingon sa pikas lungsod. --Gipatik sa mantalaang SuperBalita Cebu Pebrero 04, 2012.
Linkback: https://tubagbohol.mikeligalig.com/index.php?topic=47006.0
