MikeLigalig.com

SuperBalita Cebu
Ni Guam P. Logroño
Sunday, November 2, 2014


WALA nay ulo ug kinatawo ang nakit-an nga usa ka hubong lawas sa lalaki nga gilabay sa kalibunan kagahapon sa alas 7:00 sa buntag sa bukirang lugar sa Sitio Makatol, Barangay Biga, dakbayan sa Toledo.

Si Supt. Ricky Delelis, hepe sa Toledo Police Station nga nahinabi sa dySS/Sun.Star Superbalita, nagkanayon nga ang biktima gibana-banang 30-50 anyos ug may lima ka tiil ang gitas-on nga dunay ta­ttoo nga bitin sa tuong dughan.

Samtang daghang mga samad dinunggaban sa lawas lakip sa bukobuko, ug nahabwa ang tina-i kay nakaangkog dakog samad diha sa tiyan nga daw sama sa usa ka baboy nga lapaunon.

Matod pa nga usa ka concerned citizen nitawag sa buhatan sa kapulisan ug mipahibalo kabahin sa usa ka tawong hubo, walay ulo ug wala na usay kinatawo nga napuno sa dinunggaban ang lawas.

Sumala ni Delelis nga maglisod sila sa pag-ila sa biktima sanglit walay identity ug way mi-claim hangtud ning pagsuwat.

Gituohan nga gipatay ang biktima sa laing dapit ug didto lang kini gilabay sa kalibunan sa nahisgutang lugar sanglit pwerting mingawa ang maong dapit.

Linkback: https://tubagbohol.mikeligalig.com/index.php?topic=79201.0

Problema nila karon kay ang doktor dili mo-autopsy sa lawas sa biktima kon walay tagtungod.

Si PO3 Alfredo Barquin, imbestigador sa Toledo Police Station mibutyag sa Sun.Star Superbalita nga usa ka Paulin Versaga, uban sa iyang asawa maoy nakakita sa lawas.

Matod pa ni Versaga, nga padulong sila sa iyang asawa nga mamukot og tilapia sa usa ka “linaw” sa dapit dihang nakabantay silang dunay daghang pat-ak-pat-ak sa dugo diha sa dalan.

Gisubay nila ang maong dugo hangtod nga naabot sila sa kalibunan ug natultulan nila sa usa ka lungag nga may tulo ka tiil ang gilawmon diin ang biktima nag-ubo.

Ang lawas sa biktima gipahiluna karon sa Saint Francis Funeral Parlor sa dakbayan sa Toledo.

Linkback: https://tubagbohol.mikeligalig.com/index.php?topic=79201.0

Giputlan og ulo nailhan na
SuperBalita Cebu
Ni Guam P. Logroño
Monday, November 3, 2014


NAILHAN na ang tawo nga hubo nga giputlan sa ulo ug kinatawo nga gilabay sa kalibunan sa bukirang lugar sa Sitio Makatol, Barangay Biga, dakbayan sa Toledo, niadtong Dominggo.

Si Alony Fernandez Ola­siman, 39, ulitawo, way trabaho, taga Barangay Camelo, Tuburan, Sug­bo gi-claim sa iyang mga kabanay kagahapon sa udto.

Si Supt. Ricky Delelis, hepe sa Toledo Police Station nga nahinabi sa dySS ug Sun.Star Superbalita, nagkanayon nga ang biktima giila sa iyang igsuong babaye nga si Marites Abellana, ingon man sa igsuong si Ariel Olasiman.
 
Matod pa ni Delelis nga ang mga igsuon niila sa tattoo ni Olasiman sa iyang tuong dughan nga ulo sa bitin nga bag-ohay lang gipabutang niini.

Ang mga igsuon mibutyag nga panagsa nalang mopauli si Alony sa Tuburan human dunay gikapuyo sa Barangay Biga.

Si Delelis nipadayag nga gumikan sa pag-ila sa mga kabanay sa biktima, duna na silay lead karon nga gisubay sa posibling mga responsabli sa krimen.

Nagpabilin nga love triangle ang ilang gitutokan nga motibo sa krimen.

Ilang nasayran nga sila si Alony ug kapuyo niini taudtaud nang nagkabuwag, apan ilang kuhaan og pamahayag ang biktima.

Matod ni Deleis nga dunay kasuko sa biktima ang nipatay kaniya.

Paningkamutan nila nga makakuhag dugang impormasyon sa lakaw sa biktima diin siya nakit-an nga buhi pa niadtong miaging mga adlaw nga niadto sa lugar.

Linkback: https://tubagbohol.mikeligalig.com/index.php?topic=79201.0

purya gyod tuod ning balitaa.  don't tell me ang suspect ani ginganlan ug ondoy waykalooy ug ang mo-sentence niya to reclusion perpetua si huwes de kutsilyo.

Linkback: https://tubagbohol.mikeligalig.com/index.php?topic=79201.0