MikeLigalig.com

Ni GUAM P. LOGROÃ'O


INDIAN national nga tigpatanto gitulis sa duha ka mga tawo nga nagsakay og motorsiklo niadtong Martes sa ala 1:10 sa hapon sa Barangay Inuboran, dakbayan sa Naga.

Si Jaskaran Singh, 33, minyo, tigpatanto, taga Barangay Maghaway, dakbayan sa Talisay, way nahimo di­hang gitiunan og armas sa mga tulisan. Nadala gikan kaniya ang P10,000 nga cash.

Si Supt. Ricky Delilis, hepe sa Naga Police Station nga nahinabi sa Sun.Star Superbalita nagkanayon nga si Jaskaran nangulikta sa iyang suki sa lugar.

Ang duha ka wa mailhing mga tulisan sakay sa kolor puwa ug itom nga XRM nga motorsiklo, pulos naka-bonnet ug nagpakaaron-ingnong mopalit og sud-an sa tindahan.

Apan kalit nga nibunot sa ilang armas ug gitiunan ang biktima hinungdan nga sa kahadlok, iyang gihatag ang kapin sa P10,000 cash.

Human sa pagpanulis, ang duha paspas nga mibiya sa lugar padulong sa lungsod sa Minglanilla hinungdan nga wa maabti sa mga pulis.

Matod ni Delilis nga gitinguha ni­la nga mapalambo ang ilang pag­pa­kig­tam­bayayong sa mga nagne­gos­yo sa len­­ding mga mo-coordinate sa kapuli­san sa panahon nga mosulod sa ilang area.

Gitinguha niya nga makigtigom sa lending company ingon man ubang establisemento aron makahimo silag mas konkretong lakang batok sa mga tulisan.


Gipatik sa mantalaang SuperBalita Cebu Septembre 17, 2015.