SAMAD sa aping ug bun-og sa lawas ang naangkon sa usa ka inahan human gikulata sa kaugalingong anak niadtong Lunes sa Zone-3, Agusan ning dakbayan sa Cagayan de Oro.
Gidala sa balay tambalanan si Dulcisima (bansagon gipugngan), 64, lumulupyo sa Stakahan, Agusan ning dakbayan.
Sa impormasiyon gikan sa Northern Mindanao Medical Center, diin gidala ang biktima, nasayran nga kalit lamang kini nga gitawag sa iyang anak nga si Jermildo ug gisumbag sa aping ug sa likod samtang anaa sa umahan.
Gidugang pa nga nasuko ang suspetsado nga gitago matud pa sa biktima nga nagbisyo ang iyang asawa. (KCS)
Gipatik sa mantalaang SuperBalita Cagayan de Oro Septembre 03, 2015.
Linkback:
https://tubagbohol.mikeligalig.com/index.php?topic=80876.0