Sun Star: USA ka estudyante ang nagpakamatay pinaagi sa paghikog tungod sa kauwaw human siya gikasab-an sa ilang school principal sa alas 6:30 sa gabii niadtong Miyerkules.
Ang biktima mao si Hardie Niño Escalante, 17, 4th year student sa Mabini National High School ug nagpuyo sa Barangay Sibulan, distrito sa Toril, siyudad sa Davao.
Base sa blotter sa San Pedro Police Station, ang biktima nasiplatan sa iyang igsuon nga si Rancel Escalante nga nagbitay sa door jam sa ilang balay didto sa Monfort Avenue, Circumferential Road, Barangay 19-B Poblacion, ning siyudad.
Si Rancel nangayo dayon og police assistance aron tabangon ang iyang igsuon kinsa nagbitay gamit ang duha ka bakus nga gihigot sa iyang liog.
Nabadbaran lamang ang biktima dihang miabot ang mga sakop sa kapulisan uban sa mga paramedics sa Central 911.
Linkback:
https://tubagbohol.mikeligalig.com/index.php?topic=32620.0
Topic: High School Student sa Davao City Naghikog kay Gikasab-an sa Principal (Read 1003 times)