Unang nigawas sa imbestigasyon sa Daanbantayan police station nga nalumos si Al Bernard sanglit wa pay nakahatag og kasayuran sa iyang gidangatan.
Apan ang nakapatingala sa kabanay nganong dunay samad ang biktima sa iyang duha ka mga mata.
Matod ni Ricky Coyoca, amahan sa biktima, nga dunay mga tawo nga nihatag nila og impormasyon nga naigo sa tiro o dynamite fishing ang iyang anak nga maoy hinungdan nga ila kini nga gipaubos sa imbestigasyon sa kapulisan.
“First gyud kay wala pa may nakaingon nga gilabayan ug gitirohan akong anak. Nagtuo mi nga nalumos lang. Pero naa may nakasulti nga gilabay na og dinamita. Mao na to amo gipa-autopsy,†dugang sa amahan.
Matod ni Sr. Supt Noel Gillamac, hepe sa Cebu Provincial Police Office (CPPO), nga si Pepito gitudlo sa mga saksi nga maoy naglabay sa dinamita sa dagat.
Nagtuo ang suspek nga usa dunay dakung isda sa ilawom sanglit nagbuwa-buwa ang dagat.
“Sa information, walay kalibutan ang mga suspek nga tawo tong naa sa ilawom sa dagat. Nagtuo nga isda kay nag bukalbukal man ang dagat†matod ni Sr. Supt Noel Gillamac.
Human masayod sa maong kalamboan, ang amahan sa biktima nipasalamat bisan kon nilanat pa og siyam ka adlaw una nasikop sa mga pulis.
“Bisan og nalangay ang pagtuyok sa hustisya sa akong anak kay niabot na man og 9 days, pero magpasalamat gihapon mi kay nadakpan na gyud ang nakapatay sa akong anak,†dugang ni Ricky.
Ila una nga ilubong si Al Bernard ug sa Lunes ila nang pasakaan og kasong homicide si Pepito.
Gipatik sa mantalaang SuperBalita Cebu Oktubre 10, 2015.
Linkback:
https://tubagbohol.mikeligalig.com/index.php?topic=81130.0
