Author Topic: Gitionan gitulis gigapos gipaslak gibiyaan  (Read 474 times)

hubag bohol

  • AMBASSADOR
  • THE SOURCE
  • *****
  • Posts: 89964
  • "Better to remain silent and be thought a fool...
    • View Profile
Gitionan gitulis gigapos gipaslak gibiyaan
« on: June 20, 2015, 07:32:06 PM »
(Banat) | Updated June 20, 2015 - 12:00am
 

CEBU, Philippines - Usa ka drayber sa taksi ang gitulis ug wala pa g’yud matagbaw ang mga tulisan, gigapos kini ug gipaslak sa baggage compartment sa iyang taxi unit  dayon gibiyaan sa hilit nga lugar sa Barangay Tawason, Dakbayan sa Mandaue.

Matud pa ni Senior Police Officer 1 Silveriano Aparicio, ang biktima mao si Junnie Tejano, 36, taga Brgy. Yati, Liloan nagmaneho sa Shane Taxi nga nagtangag og plakang GXG 137.

Base sa imbestigasyon, ang mga tulisan nisakay sa biktima gikan sa Tipolo sa maong dakbayan ug nagpahatud sa Brgy. Pagsabungan.

Apan sa dihang nahidangat na sila sa awaaw nga lugar sa Barangay Pagsabungan ang duha ka pasahero kalit lang miibot og armas dungan ang pagpahibalo nga tulis.

Gikuha sa duha ka tulisan ang kinitaan sa biktima nga mokabat sa P1,800 ug ang cellphone niini

Matud ni Aparicio, human nakuha ang kuwarta gimandoan kini sa paghunong ug didto gitabangan siya paggapos ug gipaslak sa baggage compartment sa iyang taxi.

Samtang diha kini sa sulod sa baggage compartment  namatikdan sa biktima nga nidagan ang taxi ug pipila ka gutlo ang nakalabay nihunong  kini ug namatikdan niyang nanganaog ang mga tulisan.

Dangtan ang pila ka gutlo, gipunayan og dukdok sa biktima ang tabon sa baggage compartment ug swerteng adunay mga tawong nilabay sa lugar nga nakamatikod ug nipahibalo sa barangay hall. Ang mga barangay tanod sa Brgy. Tawason na maoy niligwat aron makagawas ang biktima. (Romeo T. Limpangog/EIM)(BANAT NEWS)

Linkback: https://tubagbohol.mikeligalig.com/index.php?topic=80238.0
...than to speak out and remove all doubt." - Abraham Lincoln

Book your travel tickets anywhere in the world, go to www.12go.co

unionbank online loan application low interest, credit card, easy and fast approval

Tags: