Ni Jojo C. Ugdol ug Romeo T. Limpangog (Banat) | Updated August 8, 2016 - 12:00am
CEBU, Philippines - Dead on the spot ang maglive-in partner nga gipamusil samtang nangatulog sa Brgy. San Isidro sa lungsod sa Asturias pasado alas 6 sa nakalabayng buntag.
Ang mga biktima giila nga silang Randy Banate ug Jonna Mariz Laguna.
Sa imbestigasyon sa Asturias Police nga gipangulohan ni SPO2 Floriano Olarte nasayran nga ang duha anaa na sa ilang drug watchlist.
Basi sa pamahayag sa manghod sa usa sa mga biktima nga samtang nangatulog iyang nabantayan nga adunay misulod sa ilang balay.
Gumikan sa kahadlok mitago kini sa iyang habol ug iya na lang nadungog ang sunod-sunod nga buto sa armas.Human mibiya ang mamumuno iya nang nakita nga nagkadugo ang duha ug wala nay kinabuhi. Wala na usab niya makit-i ang nawong sa kriminal.
Parehong nakaangkon og samad pinusilan sa ilang ulo ang mga biktima.
Linkback:
https://tubagbohol.mikeligalig.com/index.php?topic=82641.0
Topic: Gipusil samtang natulog, magtiayon dihadiha lahos intawon nga mipahulay sa dayon (Read 515 times)