MikeLigalig.com

Ni KRIS C. SIALANA


WINGIG ang dagway sa usa ka drayber human gisumbag sa kauban niini nga drayber gumikan kay nibalibad paghatag og P100 niadtong Martes sa Capt. Vicente Roa Street, dakbayan sa Cagayan de Oro.

Nagpatala sa kapolisan sa Police Station 2 (PS2) sa Cogon si Raffy Batan, 24, minyo nga taga San Vicente, Baungon, Bukidnon human gibaharan ug gisumbag n  Erik kinsa kauban ra usab niini nga drayber.

Sa nahipos nga impormasiyon gikan sa PS2, nasayran nga nidangop si Batan sa kapolisan human sa hitabo.

Giingong gipangayoan kini og P100 sa suspek apan nibalibad ang biktima kay lage pareho ra man kini sila nga mga drayber ug nasuko kaayo kini dayong sumbag kay Batan.

Nakaangkon ang biktima og bun-og sa dagway niini hinungdan nga gitambagan kini nga magpatambal.

Sa pagsulat niini nga balita ang maong insidente ang nakatala na sa nahisgutang buhatan alang sa tukmang disposasiyon.


Gipatik sa mantalaang Superbalita Cagayan de Oro Abril 14, 2016.