MikeLigalig.com

Ni Christell Fatima Tudtud/EIM (Banat) | Updated July 3, 2015 - 12:00am


CEBU, Philippines - Usa ka 40- anyos nga babaye ang gidakop sa kapolisan human nibayad og pekeng kwarta sa gipalit niining bugas sa usa ka tindahan sa Purok Rambo, Barangay Babag dakbayan sa Lapu- Lapu.

Ang gidakop mao si Hazel Therese Tormis, 40, nagpuyo sa dakbayan sa siyudad sa Sugbu ang giapas sa tindero nga si Roy Berdin, 57, human nabantayan sa naulahi nga  peke ang gibayad nga P1,000 kaniya.

Sa inisyal nga pakisusi ni Police Officer 2 Ruel Pelones sa Gun-ob Police Station nagkanayon, mipalit ang suspetsado og duha ka kilong bugas nga mikantidad og P100.

Apan dihang nakalakaw na ang suspek nabantayan nga peke ang kwarta maong gigukod niya kini ug napahunong ang gisakyang pasaheroan ug gidakop ang babaye kinsa kusganong mihimakak sa pasangil.

Mag-atubang og kasong paglapas sa "illegal possession and use of false treasury or banknotes and other instruments of credit" ang suspek. (BANAT NEWS)

Unsa kaha kon peke pud ang bugas nga napalit...