MikeLigalig.com

SuperBalita Cebu
Ni Guam P. Logroño
Monday, June 3, 2013


GITUOHAN sa kapulisan nga gisuyaan ang usa ka laborer nga mitambong sa disko hinungdan nga gibunalbunalan hangtod nga namatay atol sa pagpauli niini kagahapon sa alas 3:00 sa kaadlawon sa Barangay Bagay, lungsod sa Daanbantayan.

Si Julito Montisa, ulitawo, hingkod ang panuigon, laborer, patay na nga napalgan sa iyang kabanay pipi­la ka metros gikan sa ilang panimalay kagahapon sa buntag nga daghang samad sa lawas ug gituohang gibunalan og magahing butang ang iyang ulo ug nawong.

Si PO2 Ramil Claro, desk officer sa Daanbantayan Police nga nahinabi sa Sun.Star Superbalita nagkanayon nga mitambong sa disko sa piyesta sa Sitio Taytayan sa maong barangay.

Ang biktima gikatahong hubog kini katapusang nakit-an mga alas 2:00 sa kaadlawon nga nagdisko, apan pagka alas 3:00 sa kaadlawom nipauli nga nag-inusara nga naglakaw.

Sa pag-abot niya sa ngitngit nga dapit mga 200 metros gikan sa ilahang panimalay kalit siyang gi-ataki sa wala mailhing tawo gibunalbunalan ang ulo ug nawong ug kalawasan hangtud nga namatay.

Matod ni PO2 Claro, nga maayong pagkahiwa sa pikas habig sa nawong sa biktima ug mga samad sa lawas.

Wala nila isalikway ang posibilidad nga gisuyaan ang biktima samtang nagsayawsayaw sa diskuhan, o kaha nakakitag bikil hinungdan nga giatangan sa pagpauli niini.

Quote from: hubag bohol on June 03, 2013, 09:28:50 AM
Wala nila isalikway ang posibilidad nga gisuyaan ang biktima samtang nagsayawsayaw sa diskuhan, o kaha nakakitag bikil hinungdan nga giatangan sa pagpauli niini.

Labaw pa tingali kangilngig ni John Travolta modalag hiyod-hiyod...