Ni Brenda D. Batuto/EIM (Banat) Updated July 06, 2011 12:00 AM Comments
CEBU, Philippines - Naukay ang mga tawo diha sa garahian sa Ken Taxi sa barangay Lawaan III, dakbayan sa Talisay tungod sa usa ka fetus nga gibana-banang lima ngadto sa unom ka buwan nga gibilin diha sa likod sa lingkuranan sa ilang mga taxi niadtong Lunes sa gabii.
Si Jun-Jun Abendan, operator sa Ken Taxi daling mitawag sa Talisay City Police Station ug mitaho kabahin sa usa ka pinutos nga bata ang sulod.
Sila si PO3 Benedicto Lasque, PO1 Jude Enemicio ug PO1 Erwin Denila kinsa maoy miresponde sa maong report misusi na karon kung si kinsa ang responsable sa maong gidudahang infanticide o aborsyon nga krimen.
Base sa imbestigasyon, si Ramon Macalua ang drayber sa maong taksi mibutyag nga iyang gituohan nga ang duha ka mga babayeng pasahero niya maoy mibilin sa maong fetus.
Ang maong mga babaye misakay kaniya diha dapit sa merkado publiko sa dakbayan sa Mandaue. Ang usa mikanaog sa dalan Colon sa dakbayan sa Sugbo ug ang usa diha sa dalan C. Padilla, sa mao gihapong siyudad.
Matud ni Macalua dihang milabay siya sa dalan Borromeo, dakbayan sa Sugbo dunay misakay kaniyang babaye ug lalaki ug sa wala pa siya makapadagan sa taxi ang maong mga pasahero nakabantay sa usa ka karton nga selyado diha sa luyo ug gipahibalo siya kabahin niini.
Iyaha kining gikuha ug gisulod sa baggage compartment sa sakyanan sa pagtuong posibleng manawag ra unya ang tag-iya niini kung nakuha ang pangalan sa iyang unit.
Apan aron pagsiguro giingong ilaha kining gihiling ang sulod pag-abot sa garahian ug nakugang nalang siya nga fetus ang sulod niini. Ang maong fetus gidala diha sa Saint Francis Memorial Homes sa barangay Bulacao, Talisay. (BANAT NEWS)
Linkback:
https://tubagbohol.mikeligalig.com/index.php?topic=42120.0
Topic: Fetus gibilin sulod sa taksi (Read 586 times)