MikeLigalig.com

Ni KRIS C. SIALANA


PATAY ang usa ka lalaki human gipusil sa ulo niadtong Martes sa gabii sa merkado sa Manticao, Misamis Oriental.

Ang biktima giilang si Sanito Montibon, 31, minyo, lumulupyo sa Purok 22, Manticao, Misamis Oriental, samtang ang suspetsado nailang lang sa ngalan nga Akie.

Sa impormasiyon gikan sa Northern Mindanao Medical Center sa Cagayan de Oro, nasayran nga miadto sa merkado ang biktima aron pangitaon ang iyang ama-ama.

Giingong nagkalalis ang duha sa wala mabutyag nga rason ug giingong unang gidunggab sa suspetsado ang biktima hinungdan nga mibalos sab sa pagtigbas ang biktima ngadto sa suspetsado.

Apan wala na makalingkawas ang biktima sa dihang gipusil kini.

Sa pagsulat niini nga balita ang patay nga lawas ang gidala na sa funeral homes sa nahisgutang dapit.


Gipatik sa mantalaang SuperBalita Cagayan de Oro Nobiembre 19, 2015.