Ni Bong Soriano ug Romeo Limpangog/EIM (Banat) Updated August 03, 2011 12:00 AM
CEBU, Philippines - Patay diha dayon ang usa ka lalaking drayber sa traysikad human gipusil sa sitio Mahayahay barangay Bankal sa dakbayan sa Lapulapu sa milabay’ng gabii.
Ang biktima mao si Henry Mempisa, 43, residente sa maong dapit ug lumad sa lungsod sa Medellin.
Sa pasiunang imbestigasyon sa kapolisan sa dakbayan sa Lapulapu nagpahulay ang biktima sud sa iyang traysikad dihang miabot ang tulo ka wala mailhing lalaking luwan sa motorsiklo ug sa pagtungod sa traysikad gilili ang biktima.
Sumala pa nga usa sa mga gikatahapan ang nadunggang militok og “nia ra diay ka?†dayon gidiretso niini pagpusil si Mempisa makadaghang higayon hinungdan sa mga samad pinusilan sa bukobuko niini nga nakaingon sa iyang kamatayon.
Walay nakaila sa mga mamumuno gawas lang nga nagsakay sila og kolor pula nga motorsiklo. - BANAT NEWS
Linkback:
https://tubagbohol.mikeligalig.com/index.php?topic=42675.0
Topic: Drayber natulog sud sa iyang traysikad giluthang makadaghan, wa kaugpo (Read 501 times)