Usa ka disabled ang nakaplagan sa kapolisan sa Police Station 1 (PS1) sa Divisoria nga nagkadugo human gituohang giposposan niadtong Domingo mga alas 2:00 sa hapon sa Divisoria ning siyudad sa Cagayan de Oro.
Giila ang biktima nga mao si Bigmoon Mulawan, 24, taga P-4, Mambuaya ning siyudad kinsa adunay deperensya sa iyang kamot.
Samaran ang ulo ni Mulawan ug na black-eye kini human usa ka grupo sa batan-on ang nagtabang og dagmal sa biktima.
Saysay niini sa kapolisan nga gikan pa siya sa simbahan sa Cathedral kay nagpalimos ug gisulod ang iyang kita sa lata.
Tungod sa kagutom nipalayo sa dapit ug hinay hinay nga nagbaklay paingon sa Divisoria aron mangita og kan-anan apan kalit lang miduol ang grupo sa batan-on ug gustong pangayuon ang kita sa biktima apan nidumili kini sa paghatag.
Gusto sa maong mga lalaki nga kuhaon ang kita sa limos aron ipalit sa
ilimnong makahubog ug dihang nidumili si Mulawan kalit kining giukmag ug unang gibundakan ang kamot og bato. - Sun Star CDO
Linkback:
https://tubagbohol.mikeligalig.com/index.php?topic=34494.0