Abi’g linog, torjak diay
Misis, kabit naabtan sa bana nga nag-sexSuperBalita Cebu
Ni Guam P. Logroño
Friday, October 18, 2013
MAG-UUMA nagtuong naglinog na sab kay nauÂyog ang ilang balay sa iyang pag-abot gikan nag-inom niadtong alas 5 sa hapon Miyerkules.
Apan nasayop diay siya kay ang nakaingon sa pagtay-og sa ilang balay di ang aftershock sa magnitude 7.2 nga linog, kon di ang nag-sex diay niya nga asawa ug ilang silingan nga mag-uuma bukirang lugar sa Barangay Kanguha, Dumanjug, Sugbo.
Si David (di tinuod niyang ngan), 51, mag-uuma, naÂkasakop sa iyang asawa nga si Pilya (di tinuod niyang ngan), 49, nga nakighilawas uban sa ilang silingan nga si Aljun.
Si Aljun nga naratol sa pag-abot ni David, niambak sa bentana ug nikaratil sa pagdagan nga hubo ang tibook lawas kay nahibilin ang mga sapot tungod sa kahadlok nga mapatay sa bana.
Si PO2 Ramon Chinel, desk officer sa Dumanjug Police nga nahinabi sa dySS Super Radyo ug Sun.Star Superbalita, nagkanayon nga si David naÂngayog panabang sa ilang buhatan niadtong Miyerkulis sa alas 7:35 sa gabii uban sa iyang higala.
Gipa-blotter niya ang immoral nga gihimo sa iyang asawa ug silingan nga iyang naabtan.
Gialigar ni David nga nag-inom siya og tuba sa tindahan sa ilang silingan uban sa iyang mga higala.
Dihang siya nahubog na, nakahukom siya pag-uli sa ilang balay.
Sa iyang pagsaka sa ilang balay, nauyog kini apan nagtuo siya nga usa lang kadto sa mga aftershock sa linog.
Sayop diay siya sa iyang pagtuo ug na-shock sa iyang nakita ka ang iyang asawa ug ilang silingan nga iyang higala pulos hubo nga nag-sex ibabaw sa ilang katre.
“Wala na daw siya maka-react kay nakalitan man sab siya sa hitabo. Unya nakainom sab siya. Labad kaayo ang iyahang ulo maong maoy wala na niya magukod si Aljun,†dugang ni Chinel.
Hangtod sa pagsuwat ning taho, wa pa makit-i si Aljun nga nisuot sa kalibunan nga way sampong ang tibuok lawas.
Matod ni Chinel nga ang asawa ingon sa way nahitabo, naghigda lang gihapon sa katre samtang wa makaako si David pagdapat sa iyang asawa kay naluoy gihapon siya niini.
Linkback:
https://tubagbohol.mikeligalig.com/index.php?topic=76505.0