Ni Joy F. Tumulak
Saturday, December 8, 2012
USA ka British national ang namatay ug talandugon ang kahimtang sa iyang 11-anyos nga anak human madasmagi sa sakyanan nga gimaneho sa usa ka Korean national.
Ang insidente nahitabo sa dalan Borbajo, Barangay Talamban, dakbayan sa Sugbo, pasado alas 12:00 sa tungang gabii.
Ang Koryano nieskapo human sa hitabo apan nadakpan sa hot pursuit operation sa kapulisan.
Ang biktima mao si David Michael Jowett, 55, nagpuyo sa dapit sa nahitaboan ug ang naangol nga anak mao si Jett Fuentes.
Nakadasmag natanggong na karon sa bilanggoan mao si Jeong Soyoung, 47, taga Tawason, siyudad sa Mandaue ug nagmaniho sa Honda CRV nga may plate number YAU-828.
Sa pasiunang imbestigasyon gihimo ni PO2 Dominador Ungab sa Traffic Division nagkanayon nga nitabok sa dalan ang mga biktima sa dihang nadasmagan sa sakyanan sa Koryano.
Tungod sa kakusog sa maong pagdasmag, nalabay ang mga biktima ug nabunal ang mga ulo sa dalan, si Jowett wa na madala pa sa tambalanan ug gideklarar kini nga dead-on- the- spot.
Samtang ang iyang anak gihatod sa mga sakop sa Emergency Rescue Unit (ERUF) sa North General Hospital.
Si Soyoung human sa maong hitabo ang wa mohunong apan misibat kini palayo sa lugar atol sa follow-up nga gihimo sa kapulisan sa Talamban ug ilang nasikop ang Korean.
Linkback:
https://tubagbohol.mikeligalig.com/index.php?topic=62262.0
