Ni Guam P. Logroño
Friday, December 7, 2012
SECURITY guard nga nakatulog gipatay pinaagi sa pagbunal ug pagdunggab samtang nag-duty kagahapon sa alas 6 sa buntag sa sulod sa National Power Corporation (Napocor) sa Barangay Talavera, dakbayan sa Toledo.
Si Jerson Sanchez, 23, ulitawo, sakop sa Agilec Security Agency, taga Barangay Cambang-og, dakbayan sa Toledo nagbuÂy-od samtang naglunang sa kaugalingong dugo.
Si SPO3 Carmelito Hornales, desk officer sa Toledo Police nga nahinabi sa Sun.Star Superbalita, niingon nga ang biktima nakit-an sa usa ka Renato Engling, house keeper sa staff house sa Napocor.
Si Engling nipahibawo sa mga security guard sa compound nga iyang nakit-an ang biktima nga nagbuy-od sa may lamesa kilid sa terrace sa staff house.
Gibutyag niya nga paÂdulong unta siyang magpawong sa suga sa staff house kay buntag na diÂÂhang nakita niya ang bikÂÂtima nga may samad dinungÂgaban sa nawong ug naligo sa kaugalingong dugo.
Si SPO3 Henry Acosta, imbestigador sa Toledo PoÂlice nga nahinabi sa Sun.Star Superbalita, niingon nga kasamtangan niÂlang gikustodiya si Engling.
Kini tungod kay sila rang duha sa biktima dihang nahitabo ang kremin samtang duna kiniy gibutyag kabahin sa iyang kaubang house keeper nga si Alsped Allecer, 21, ulitawo taga Captain Claudio, dakbayan sa Toledo.
Si Allecer wa na nila igkita sa ilang lugar human sa krimen hinungdan nga usa kini sa ilang gipangita karon kay posibling may nahibaw-an sa kremin.
Si Allecer gikatahong niadto lang Huwebes niresign sa iyang trabaho ug nasuta sa kapulisan nga gikabangi niini ang biktima.
Si SPO3 Acosta niiÂngon nga ang pamahayag ni Engling ila pa hinuong palawman pagmaayo.
Linkback:
https://tubagbohol.mikeligalig.com/index.php?topic=61651.0
