NAGPATABANG sa kapolisan ang usa ka 16-anyos nga dalagita human gikumot ug gihinol ang iyang dughan samtang igo lang naglingkod sa parke sa Poblacion, lungsod sa Tagoloan, Misamis Oriental.
Ang biktima itago na lamang sa ngalan nga Anna, 16-anyos, residente sa susamang lungsod kinsa nagpahayay sa plaza niadtong tungora ug naglingkod-lingkod.
Giasoy niini nga kalit lang usa ka lalaki ang miabot ug miduol kaniya ug deretsong gigakos patalikod dungan sa pagkumot sa iyang dughan nga bahin.
Sa kalisang nga gibati sa biktima dali kining mitindog ug misyagit hinungdan nataranta sab ang suspetsado ug deretsong midagan paingon sa wala matinong direksyon.
Walay nahimo ang biktima gawas sa pagpa-blotter sa Tagoloan Police Station human sa insidente.
Ning panahona ang kapolisan nihimo na og imbestigasyon kinsa ang lalaki labina giingong modus ang pagpanghinol kung adunay matripan nga babae sa dapit. (SVB)
Gipatik sa mantalaang Superbalita Cagayan de Oro Marso 11, 2016.
Linkback:
https://tubagbohol.mikeligalig.com/index.php?topic=82020.0
