by Sun Star
Usa ka ulitawo ang nasakpan sa akto nga gi-videohan ang naligo nga babaye alas 9:30 sa buntag niadtong Sabado.
Mipatim-aw sa Sta. Ana Police Station mao si Jannie Jean, (bansagon gitago), 25, dalaga, supervisor sa usa ka dakong mall ning siyudad ug residente sa #13-3, Lizada Street, Barangay 27-C, Poblacion, human iyang naaktuhan ang anak sa tag-iya sa boarding house sa iyang higala nga iyang gibisita niadtong tungora.
Suma sa blotter sa presinto uno nga miadto si Jannie Jean sa boarding house sa iyang higala nga si Cecilia, (bansagon gitago), 22, sa Lizada, tupad ra sab nga balay nga ilang giabangan.
Sa pag-abli niini sa pultahan, iyang nakita ang anak sa tag-iya sa boarding house nga si Edgar, (apelyedo gitago) kinsa maayong tuwad-tuwad nga mikuha og video ngadto kang Cecila nga naligo sa banyo.
Misumbong si Jannie Jean ngadto kang Cecilia ug ila dayong giadto si Edgar, apan gilimod niini ang maong pasangil.
Nahadlok ni Cecilia nga ma-upload ang iyang video sa social media mao nga midangop sila sa kapulisan.
Nakahukom sila Cecilia ug Jannie Jean nga mopatala sa barangay aron ipatawag si Edgar sa Lupong Tagapamayapa. (Jeepy P. Compio)
Linkback:
https://tubagbohol.mikeligalig.com/index.php?topic=73316.0