SuperBalita Davao
Saturday, February 16, 2013
MIDANGOP sa San Pedro Police Station ang usa dalaga nga naligo sulod sa banyo human nga gibaklad sa usa ka wala mailhing lalaki alas 8:30 kagahapon sa buntag, Sabado.
Ang biktima sa pagpamaklad gitago lang sa pangan nga si “Analie,†29, nagtrabaho isip legal secretary sa usa ka patigayon, molupyo Palma Gil, kilid sa Physician Diagnostic Center, siyudad sa Davao.
Gibutyag sa blotter sa San Pedro Police Station nga naligo si Analie sulod sa banyo sa boarding house nga iyang giestaran.
Apan usa ka wala mailhing lalaki nga naila lang sa ngan nga Rodel ang mibaklad niya.
Nasayran nga mihupo matud pa si Rodel sa ubos nga bahin sa pultahan nga gibitayan lang og shower curtain ug dayon gihinay-hinay niya og bukiki ang kurtina aron nga mabaklad ang dalaga ug gilayon nagduwa sa iyang kinatawo.
Apan nasakpan siya sa ka-boardmate ni Analie nga gitago lang sa ngan nga Annabel sa akto nga nagduwa-duwa sa kinatawo samtang namaklad sa dalaga.
Tungod sa siyagit ni Annabel, kalit nga mitindog si Rodel dayon ambak sa bintana sa kusina nga bahin sa boarding house.
Ang suspek giila mismo sa silingan sa biktima.
Gisalig na lang ni Analie ngadto sa kapulisan ug sa barangay opisyal nga madakpan ang suspek aron nga mapasakaan og kaso. (Jeepy P. Compio)
Linkback:
https://tubagbohol.mikeligalig.com/index.php?topic=68571.0
Topic: Dalaga naligo sa banyo gibaklad, suspek nasakpan sa akto miambak sa bintana (Read 1583 times)