Ni KRIS C. SIALANA
MIREKLAMO ang usa ka dalaga human gisinggit-singgitan sa iyang iyaan atubangan sa daghang mga tawo nga wala kini panty ug bra niadtong milabay nga adlaw sa Puntod, dakbayan sa Cagayan de Oro.
Ang nagpatala ginganlan og Cristy (bansagon gitago), 21, dalaga ug lumulupyo sa St. Jhon, Puntod ning dakbayan.
Si Cristy nireklamo batok sa iyang iyaan nga si Luisita (bansagon gitago), 48, ug residente sa susama nga dapit.
Subay sa impormasiyon gikan sa Police Station 5 (PS5) sa Macabalan, giingong gikaulaw sa biktima ang pagsinggit-singgit sa iyang iyaan nga siya walay panty ug bra tungod kay daghang nga tawo ang nakadungog niini.
Giingong nagsaba-saba ang iyaan niini sa pag-ingon og “mga silingan pahulma ninyo si Cristy og panty ug bra,†hinungdan nga gikaulaw kini pag-ayo sa dalaga.
Gidugang pa nga gipasanginlan usab niini ang iyang inahan nga adunay kerida.
Wala usab gikabutyag ang hinungdan nga adunay panagbingkil ang biktima ug ang iyaan niini apan mireklamo kini gumikan sa kaulawon kay lagi dalaga man kini og adunay mga nakadungog nga mga ulitawo niadtong mga panahona.
Sa pagkakaron ang insidente ang nakatala na sa nahisgutang buhatan ug giduso na sa Barangay Lupon alang sa tukmang disposasiyon.
Gipatik sa mantalaang Superbalita Cagayan de Oro Marso 09, 2016.
Linkback:
https://tubagbohol.mikeligalig.com/index.php?topic=82010.0
